،.

بترك ثيابي وارتحل في موسم الهجرة جنوب
احتاج ادوّر لي في صباح امّر به قبل أعرفه

واحتاج اعوّد لإرتباكي والشّعر والدّمع نوب
أصعب كثير احيان من جرح ٍ عجزنا ننزفه

ما قلت لي يوم الليالي بيض والبعد مهيوب
وشلون يذبحنا الكلام اللي نخاف نسولفه .؟!

وشلون ابقصد من بعدك بصوتي المملي ندوب
وشلون اصير الشّاعر اللي تعرفه صدق احرفه

علمتّني بأن الشعر مفتاح لابواب القلوب
وانه حنين وذكريات وليل كامن بطرفه

وعلمتنّي بان القصايد فخّ والهاجس لعوب
وان الصّبر لو هو جبل يمكن قصيدة تجرفه

ليتك بعد علّمتني عن ألف درب ٍ للهروب
لاجتاحني هذا الشّعر وأمسيت خايف لاذرفه

كيف اكتبك وانت القصيدة والسّما وانت الدّروب ؟!
وانت الغصون الوارفة في كل معنى نقطفه

أنا اعتذر لو ما رثيتك والشّعر والدّمع نوب
أصعب كثير احيان من جرح ٍ عجزنا ننزفه !!





أبيات راقت لي