11-26-22, 05:47 AM
|
#1 |
|
يصعب علـى الرجـال يثبـت مباديـه .. طاح العتب .. ما هيـب لحيـة مشاريـه
خل الكلام .. و حبـل الأعـذار طـوّه
ما راح اقول اشلون .. أو كيف .. أو ليه ؟
تـرى السـؤال بـدون اجابـه مشـوّه
العذر مااات .. و مـات همـه و رااعيـه
و الجرح جف .. و جف غيمـه و نـوّه
صاحبك ضاع الهرج مـن بيـن أشافيـه
ما كنّـه اللـي كـان قبلـك .. مفـوّه
يجمع لـك مِـن الشعـر فاخـر معانيـه
و يمـوت عنـدك قبـل فيـه ايتـفـوّه
ليه أنصـدم ؟ و تخـون قلبـي هقاويـه
و يطيح نجمـي .. و انخـذل فـي علـوّه
أصدق مع الواحد و احبـه .. و اثاريـه
طـوول الليـالـي معتبـرنـي عــدوّه
لا يـا بعدهـم .. و أول الغيـث تاليـه
و أنت اتعرف قلبي .. و خيـره و سـوّه
قل لي متى شحيـت فـي شـي ٍ أعطيـه
و قل لي متى صـارت محبتـك .. خـوّه
يصعب علـى الرجـال يثبـت مباديـه
و إن كانه أثبت .. كيـف يثبـت سمـوّه ؟
الله يبيحـك عـن خطـاك و تمـاديـه
و يبيـح قلبـك عـن خطـاه و غلـوّه
ما دام حبك خالطه شـك .. مـا ابيـه
حب العتب و الشك .. ما أعيـش جـوّه
ما كنّي اللـي كـل مـا تلمـس ايديـه
يغمـرك باحسـاس و حنـان الأبــوّه
و ما كني اللـي كـل مـا مـر طاريـه
ضج الفضـا باسمـه .. و عكـر هـدوّه
يـا مرحبـا بالجـرح .. و الله يحيـيـه
لا صـار مـن يمنـاك و الجـرح تـوّه
بعض الجروح إن صابـت القلـب تنهيـه
و بعض الجروح .. تـزوّد القلـب قـوّه
الله كتب .. و القوس فـي كـف باريـه
و اللي تشوفه يا أبيض الوجـه .. سـوه
: ممارااق وهي
لــِ شاعرها |
| |