شايف البحر شو كبير كبر البحر بحبك
شايف السما شو بعيدة بعد السما بحبك
كبر البحر وبعد السما بحبك يا حبيبي يا حبيبي يا حبيبي بحبك ...!!

مع أني كتير بعشق غنيتا لجارة القمر
بس برائي مافي حدا بيستاهل أنو نحبو أكتر من البحر أو السماء أو الأشجار
الطبيعة هي نعمة عظيمة ولوحة ربانية خلقانة من لطف وكرم رب العالمين , لهيك مابيصير نفضل محبة وعشق مخلوق ع محبة وعشق عطايا الخالق
هيدا غير أنو الطبيعة جمالها أبدي وتأثيرها روحاني ومفعولها مثل السحر والبلسم وعم يحافظ ع توازننا وتوازن باقي المخلوقات يلي بيتواجدو معنا ع نفس الكوكب
ومع كل هولى الأشيا والأوصاف والخواص المبهره , رح بيكون منتهى الأجحاف والنكران الجميل منا أذا بدلنا هالنعم ببشر فاني وزائل !