شكلي راح أختصر وجودي في المدونة فقط ....
ممكن يجي واحد ويقولي : حسستني انك صاحب صولات وجولات وفاعلية في المنتدى ..!!
وأنا أقولك : يابن الحلال أنا جالس أكلم نفسي ... ومش الكلام لك أو لبقية الأعضاء ...
وبالمناسبة أنا دائمًا كلامي مع الأعضاء وكلامي في الردود وفي الحوار وغيره ... هو كلام لنفسي من باب التسلية وأحيانًا من باب الفضفضة لا أقل ولا أكثر ....
ومش القصد اني أقول لغيري شوف فكري أو عقليتي أو اني أفرض رأيي أو وجهة نظري أو من هذا القبيل...أبدًا لا ...
فـ تكرمًا منك لا أمرًا خليني أتكلم في المدونة براحتي لأني خلاص مليت من الكتابة في داخل الأقسام ...
وراح أتواجد في المدونة فقط ....وممكن أصدرت هذا القرار على نفسي لأن نفسيتي اليوم مش ولابد ...وممكن بكرة أغير رأيي ..وليش لا ...بكيفي...
المهم زي ماقلت لك قبل قليل أنا مليت من الكتابة داخل الأقسام ...( وهي كلها قسمين اللي في الغالب أتكلم فيها ) ...
طبعًا كلامي اللي أكتبه لا يسمى مشاركة بل يسمى ( كلام ) ....لأن المشاركة تكون ذات قيمة وفائدة .......وهذا من وجهة نظري ...
ولأن الكلام مجرد تسلية وفضفضة كما هو الحال معي في القسمين اللي في الغالب أكون متواجد فيها ...وبرضه كما هو الحال معي الآن في المدونة .......
ولا أخفيك سرًا جربت كل شي في هذا المنتدى وبرضه في المنتدى اللي قبل هذا ....يعني جربت ( الصدق والكذب والمجاملة والصراحة والمداهنة وادعاء المثالية ..و...و ...وكل شي ..)
فـ أحس اني خلاااااااص تشبعت ....ما عاد لنفس أكتب كلمة وحدة في أي قسم من أقسام المنتدى ...
إلا المدونة .... راح أسكن فيها ..وأحط فيها كل القرنبع اللي عندي ....
أحتاج حوش ( تشليح ) كبييييييير أرمي فيه كل اللي بـ داخلي بدون محد يحاسبني...
لأن النفسية عندي اليوم شرطتين تحت الصفر .................
المهم راح أبحث عن مقطع لـ دوق فليد (دايسكي ) ...وأنزله هنا .....
أشوفك على خير ....
....