.
*
بَسْ مَرّه
كن حقيقي
ادري انها
حيل مُرّه
وان حقيقتْك
التغابي : والتذاكي
والتلاعب بالمجرّه
وانّكْ توقّف : على آصابِعْك : شاعر
له يدين وفم
واحساس ومشاعر
من دهاءه
من جفافه
قادر إنْه يكون ماطر
يملأ الدنيا مخاطر
يجبر ويكسر خواطر
بين فرْ : وبين كرّه
لو كثير احيانْ كافر
ما يصلّي
لو يصلّي ؟
ربِّ انّك
إكفني يا رب شرّه
..
بس مرّه
ودّي انّك
لو شريط الذاكره
تقدر تِفرّه
شوف نفسك
إخذها مشوار
ولّا اقول : فَرّه
روح معها
سولف لها
اكتشفها
كانت الاكثر عبوديّه
لنزوة !
ولا تصدّق
كان قالت :
كنت حُرّه ..!
...
كن حقيقي
بس مرّه
من بعدها
كون كااذب
كون كاذب
ألف مرّه
ولّا تدري
قفّل الموضوع
قبل تموت حَرّه
عتيم ..!
.