*








مِنْ بَعَدْ موتٍ ترك هالليل سايب
ليلٍ بلهفه عن الصبح يتخبّر

جيتها والموعد مفارق حبايب
والعتب من مأذنةْ الاشواق كبّر

قالت إش جابك ولك شهرين غايب
وانهزع صدرٍ من الضيق يتعبّر

انشدي الصبح إن تجلّى للهبايب
كان لك قلبْ بْفعايِلْهْ يتدبّر

فوق عامينٍ وراس الصبر شايب
شايف سْلوكك وعاجز لا يعبّر

ما افتعلت شْجار وآدوّر نشايب
صاحبك حلّالها ما اقفى ودبّر

جيتك بوَضح النقا ما جيت عايب
وقلتِ ان النوم سلطانه تجبّر

والوعد بكره وكان الوعد خايب
وانكسر موعد لقانا ما تجبّر

انتظرتك يوم يومين وطلايب
لين صبري ما عرف كيف يتصبّر

كانها فالحب : ما فالحب تايب
كانها فالموت : له موعد مدبّر

وكانها فالشعر وكبار النوايب
شارب الثنتين من كفّي مغبّر

غير اشوف انها فراق وجرح طايب
كل ما جيت آتواضع له . : تكبّر




عتيم ... !