اخسرتني وانكرت قلب غمرها
بل محبه والوفا لين استباحت
والله اني مذكر ان قلبي كسرها
استرحت من المعاتب واسرتاحت
ماهي بكفو العيون ولا سهرها
وماهي بكفو الضلوع اللي تناحت
كنت اقول انها هي العين ونظرها
لين مابانت حقايقها وباحت
دورت جرحي وربي مانصرها
زحتها من قبل لاتقفي وزاحت
ذا جزاها في غرام الي ذخرها
استدارت عن مواثيقي وشاحت
كنها الا دمعتن بلخد ثرها
طاحت وماعاد ترجع يوم طاحت
اذكر ان قلبي كثر ماهوذكرها
اذنها اليمنى علي لجة وصاحت
لوعذرها الوقت والله ماعذرها
لين تعذر دلة بنار فاحت
من طعن روح المحبه في ظهرها
والله ان يبطي ونفسه مااستراحت
تبغي الزله على اللي ماجبرها
لين شفت عيونها بلغي لاحت
اسالتني في حياتي ش اعتبرها
قلت روحي والبلا صدت وراحت