ربنا سبحانه وتعالى أمرنا بالسّعي على الرزق، صح؟
يعني: مش ينفع نقعد في البيت ونقول رزقنا هيجي لينا لغاية عندنا، لازم نتحرك ونسعى ونتوكل على الله

الزواج كمان رزق
وما عند الله يُنال بطاعته
طيب، الرزق دا كمان له أبواب كثيرة، فيها أبواب خير ، وفيها أبواب شر ومعصية
احنا ناخد باب الخير
طيب نعمل ايه؟
مش ينفع تفضلي في البيت قاعدة، ومحدش عارف عنك حاجة ولا شافك ولا سمع عنك أصلا، خدي بالأسباب:
- التحقي بدورات تعليمية ومهاريّة.
- التحقي بعمل ، اشتغلي، توظفي
- التحقي بأعمال تطوّعية..
إلخ
الأشياء دي أبواب للتعارف على الناس، وفيه بنات كتيرة هتتعرّفي عليهم في الأماكن دي، كتير منهم بيبحث عن بنات لحد من أهلهم، وهكذا

المهم تحركي، وبتلاقي الخير
وأكثري من الدعاء بالزوج الصالح.