انا ينطبق عليا
زي ما بيقولوا بره
لما البعض بييجي يجاوب
علي النوعية دي من الاسألة
في الافلام الاجنبي فيبدأ بمقولة

it is complicated

انا لما كنت صغير كنت بحب البرمجة جدا
أو أيا كان ما يخص مجال الحواسيب بشكل عام..
وده كان الجزء الأكبر في مجال دراستي ..
وإلي حد ما كنت مايل لشغل الفري لانسرز وكدا ..
وفي وقت ما كنت قادر استخدم ده
وكان ممكن يكون ليا دخل محترم كعمل حر
بدون ما اكون ملزم بجدول شغل يومي وفي مجال بحبه ..
وسهل التطوير فيه وانك تعمل شركة مع الوقت ..
انا كنت في وقت ما بحب اعرف حاجة عن اي حاجة ..
بس كان الحافز غايب للاستمرارية ..

لأني بدون الدخول في تفاصيل كتيره
بشكل ما كنت ما بين اختيارين

في النهاية
واحد منهم فرض نفسه بشكل ما
نظرا لظروف معينة ..
والإحساس بالمسئولية
جزء من اسباب الرضا بالاختيار ده
بشكل ما ..

حاليا تقدر تقول
ان احنا بندير شركة تجارية
وده شغل الوالد من 30 سنة
وميولي وانا صغير إلي حد ما
موسع نظرتي للدنيا شوية
ومساعدني في مجالي الحال...

الاختيار ده عيبه الوحيد بالنسبة ليا
انه يتعارض مع طبيعة شخصيتي بشكل ما

لأنه يمكن من وقت لآخر مهما كان اضافتي او نجاحي في المكان
بحس اني مانجزتش .. عالرغم أن كل اللي بسمعه وبشوفه
بيدل علي عكس كدا .. الأرقام عكس كدا ..

بس ما فيش رفاهية أنك تتظلم او تشكي لو فيه
جواك حاجة مأزماك
ودي تقدر تقول كدا حس عدالة داخلي ..
لأن المجتمع مليان ناس الغالبية منهم بيبدأوا من الصفر
ومع ذلك الحفاظ علي النجاح والتطوير منه عيئ كبير
خاصة اذا ماكنتش الأساس المكون ليه .. ومعترف بده ..

لو قريت عن impostor syndrome
هتفهم قصدي ايه ..

فاهم نفسي وقادر أحللها ومدرك ليها
بس مهما كنت مدرك
في احساس معين ماتقدرش تمنعه
بقدر ما أنك بتتحفظ عليه ليس إلا

بس اكيد الحمد الله دائما وابدا