أنتم ايتها البشرية
لما بتتابعوا المسلسلات العربي او التركي
مش بتنتبهوا سوي للنهايات السعيدة
وغالبا البنت مش بتشوف نفسها الا في صورة بطلة المسلسل
التي ستتزوج البطل في النهاية

مع أن في دور لصاحبة بطلة المسلسل عادي
اللي غالبا بيكون حظها تعبان
وماشية دايما بتشحت أمل من الدنيا
وبيضحك عليها من طوب الأرض
وبتمثل الوجه الباكي الحزين
اللي غالبا الناس بتشيح بوجهها عنها
وبتشوف دورها رخم او ثقيل علي القلب
وغالبا المخرج بيختارها كدا عشان يحلي دور البطولة
لأنها فعلا بتمثل الوجه الحقيقي والقبيح للمجتمع
وممكن ده يكون دورك في الحياة عادي

المشكلة أن ماحدش اتعلم أن العلاقات أخلاق
مافيش أب وأم بيصاحبوا بناتهم
عشان يوجهوهم وإلا ماكناش هنلاقي
النوع ده من المشاكل بيطفح علي سطح المجتمع
بشكل مبالغ فيه ..

الأمل بقا فكرة بتسرق عمر
لأن ماحدش بياخد مرجعية أمله
من أخلاق وهوية مجتمعه الحقيقي

وبالتالي دايما هتلاقي نفسك واقف بين نارين
الصح والمأمول

وغالبا مش بتنالهم
لأنك غايب عنك ترتيبهم ..

ولو نلت المأمول بطريقة مش صح
الغلط بيظهر قدام ...
والعمر اللي اختصرته بقرار
مبني بشكل غلط
بيتسرق منك في وقت
أنت محتاجه فيه ..
وفي وقت انت مسؤل
عن غيرك ..

الدنيا بتحاسب الناس
في الوقت اللي يناسبها
مش الوقت اللي احنا بنختاره

و غالبا انا وحد من الناس فهمت
اني بكون منتظر أن في ضربة جاية
في وقت انا مش حاسبه
عشان جريت في طريق غلط
وأنا مش شايفه ..

ربنا يهدينا جميعا