لا أعلم يا نجمة من اين أنتِ ؟
ولكن بالفعل ما قمتي بذكره
هو واقعنا وهذا ما نعيشه ..
والكثيرين لن يتفهموه ..

أعي أن الكثيرين لن يتفهموا
أن نظرتنا لما حولنا تتغير في وقت نواجه فيه العالم
حين نستبدل أحلامنا بواقع المسئولية
وحين تكون مسئول عن مستقبل عائلة
تتغير نظرتك للمجتمع وفكرة الدولة ..
حينها تستبدل كل ما كنت تؤمن أنه صحيح
بكل ما هو جائز لكي تقاوم و تستمر ...

الكثير لم يحتك بالواقع الفعلي ليعض المجتمعات ..
ولذلك لن يتخيل ما قد يمر به البعض ...

لا أعلم ولكن مثلا كمثال
حاليا الدولار = 34 جنيه مصري في السوق السودة
وده طبعا رفع الأسعار جدا
والحد الأدني للأجور بعد التعديل الأخير بقا حوالي 3000 جنيه مصري
وجزء كبير من القطاع الخاص أجوره لا تتعدي 2000 و2500 حاليا
دول المفروض يصرفوا علي أسرة ممكن تكون 4 اشخاص او خمسة
ودول يكفوا اكل وشرب وفواتير كهربا ومياه وغاز وايجار بيت ودراسة ..


أنا شوفت ناس هنا في موضوع مرة في قسم مشكلتي
بتقول أن عشان تعيش حياة كويسة ومقبولة في السعودية
لازم يكون مرتبك دخلك 10 الاف ريال ...
وكلام كدا غريب ...

أنا بس بحط الناس في الصورة
عشان ربما الخيال مش جايب ..

وبقولك ده تحدي مع الأخلاق
انا مش بكلم هنا عن المفروض ..
انا بكلم في تحليل الواقع وما يؤدي إليه فعليا
مع معطيات واضحة من ضعف الوازع الديني في المجتمعات
و الوازع الوطني طول ما أنت بتستنزفه
هييجي في وقت مش هيكفي أن الناس تتحمل وتجلد ..

وبقولك دي معضلة مجتمعات ببساطة
واتفضل ادلوا برأيك ؟