منتديات مسك الغلا | al2la.com - عرض مشاركة واحدة - الناقد والفيلسوف مع هنادى ( الفراشه الزرقاء)

**HANADY** · 12-23-22, 02:06 PM

يسعد جميع اوقاتكم يارب

ياساتر انشغلت شوي واحصل هذا الكم من الواجبات ؟؟

لييييه ؟؟ ده انا غلبااااانه

والنايفه جاهزه للفزعه / شكرا لك ماقصرتي راعية واجب ،،

جايه ترهبيني او تبشريني ؟


	والآن هاتواااا هنودة القلب

هالجمله ماتطمن ابد


	ورد مصطلح عقلاطفيه بمعنى إخضاع العاطفة لحكم العقل // هنودة هل معنى ذلك أن العاطفة ممكن تنقاد للعقل بصورة طوعية ؟؟؟

طالما فيه حمايه لها / نعم تنقاد بصوره طوعيه


	متى تهزم هنادي العاطفة يعني بلا شك هناك "نقطة ضعف" صعب تكون هنادي عندها عقلاطفيه تماما متى تقول تمنيت يكون العقل متصدر لكن لقيت العاطفة هزمتني ؟؟؟

ممكن مع بناتي !


	قلتي " أحب الجميع ولا أعرف كيف اخبرهم" أرى السيف أصدق أنباء من الكتب تعرفين وتجيدين بسألج أيش تسمين سؤالج عن أحدهم وهو مريض ؟؟؟ وصفي شي ثاني غير الحب يدفعج للأخذ بخاطر أحدهم ؟؟؟ احترامج وأنتِ تملكين كافة الصلاحيات مثلا لإخفاء رد،، لكن ما قدرتي تجاوزين قدر وحب ؟؟؟ أيش تسمين اهتمامج بالمراسلة و و و ؟؟؟ لو توصلنا للإجابات اللي فوق بنوصل لجملة " إذا كل ذي ما بين مشاعرج ما اعتقد حد يفهم يقرأ العواطف النبيلة" أنتِ أن حبيتي بان بأفعالج بان حتى بطريقة ردودج بالعكس واضح جدا والله وحنا نميز القيام بالواجب والسنع من الاحترام المقرون بحب مغلف بعاطفة جميلة يا الغالية يا أجمل من يجيد التعبير

هذا الي ابي أوصل له انا ممكن أوقات اعبر واوقات مااعرف اعبر

بعدين ترا اصبنا بالمتحور انا وانتي بوقت واحد بس الفرق اني بديرتي وكل شي قريب بس انتي بعيده ف هنا كان لابد من السؤال والاطمئنان عليك !

انتي بالنسبه لي الوقوود وطاقه جميله وانبسط لما توصلني تنبيهات منك .

اما بالنسبه لاخفاء الرد اذكر اني هاوشتك بلطافه يومها هههههه

شوفي انا اكثر شيء يسعدني بعلاقتي مع الجميع : لما أتكلم مع شخص / تجنب المكان ،،ويرجع لان طلبت ،، وكلمتي غاليه عنده ، هالامر أقدره جدا جدا


	هل التغير كان للأفضل ؟؟؟

تقريبا


	أيش الشي اللي حبته هنادي بالتغيير الجدي ؟؟؟

مكبره دماغي


	صفة اكتسبتيها بعد هنادي الظروف والمواقف و و وتعتبرينها سلبية ؟؟؟

اعتزلت أمور كثيره كنت احبها
اعتزلت أيضا ناس كنت احترمهم
على مبدأ ( اعتزل ما يؤذيك )


	من هو الشخص الغير محترم ؟؟؟

يبي لي معلقه عشان اكتب عن هذا الشخص !
الغير محترم بالنسبه لي : مايثمن كلامه
سليط اللسان تحت مسمى ( مااعرف اجامل )
الي مايحترم ذكاء وعقلية الطرف الاخر
كثير اللف والدوران
كثير جدل لمجرد الجدل وليس للنقاش
اللي يتعمد الانتقاص من أي شخص


	تنتفض هنادي عند نقطة الخطوط الحمراء كيف تكون ردة الفعل هنا ؟؟؟

تطلع الانسه منشن من داخلي ههههه


	لكل منا في حياته خطوط حمراء ما أبرز الخطوط الحمراء في حياة هنادي الغير مسموح لأحد تجازوها// أو انتهاك خصوصيتها ؟؟؟ سواء هنا أو بالواقع //

احب مبدأ : حياة الإنسان ليست سر، لكنها ليست من شأن الاخرين
ف بصفه عامه الي ابيه يظهر راح ابينه .. لكن الأمور الي ما اتكلم عنهاا معناه لا ارغب في الخوض فيها


	وتقولين: انا فصل خامس لا يشبه فصول السنه رااائع كيف يكون الفصل المختلف عن كل الفصول كبصمة مميزة بمعنى آخر هنادي بصمة مميزة كيف تميزتي عن من حولك لدرجة صنعتي شيء يُقال له هذا الشيء لهنادي محدن هنا يشبهها ؟؟؟

يقول السندباد ( وانا بالساحه ما اهتم أصلا ! ولكن تخرب الساحه بدوني ) < الثقه ماشيه مليون


	تقولين "اوقات نحتاج للصرامه والحزم بس بدون غلظه" أول شي: أيش غير مفهومج من اللين التام إلى الحاجة للصرامة والحزم أحيانا ؟؟؟

في لحظات العناد الغير مبرر نحتاج للحزم


	كيف تكون هنادي عند الحزم ؟؟؟

ك رجل مرور اثناء تنظيم السير


	هنادي في الحوار مع الفيلسوف قلتي تغيرت بي أمور لكني لا زلت أنا وهناك إجابة على أم دبدوب ذي اللي جاية لها بإذن الله بس إنتظري قلتي لها: "تاهت روحي وسط المعركه ولم أجدها " لم تجدي أي جزء من هنادي بالضبط ؟؟؟ أنتِ تعلمين عن ذاك التيه وتعلمين تماما ما الذي ضاع الاسترجاع صعب لتغير القناعات أو لأنها لم تعد تناسب هنادي ما بعد التغيير أو تاه وتحنين له لكن استرجاعه صعب نفسيا ؟؟؟

لأنها لم تعد تناسب هنادي ما بعد التغيير

//


	وقلتي بإجابة جميلة أيضا "تعلمت وعودت نفسي ان لا اكون رهينه للافكار وتعلمت أن اتقبل كل شيء .. كل شيء " متى يكون الإنسان سجين أفكاره ؟؟؟

اذا كانت هي المؤثر والمحرك له في كل قراراته حتى لو كانت خاطئه


	كيف نتحرر من الأفكار ؟؟؟

استبدالها


	أفكارنا جزء من مبادئنا ما الأفكار التي تحرص هنادي أن تظل متمسكة بها رغم كل شي ؟؟؟

أي فكره صحيحه تساعدني على التقدم والثبات


	طيب معنى "كل شيء // كل شيء" يندرج تحت باب الجبرية أم الاختيار ؟؟؟

الاختيار