(( ف البحرين ))
كانوا العائلتين ف السيف بعد ما راحوا الشقق وحطوا اغراضهم هناك لانهم بينامون ليلتين .. اليوم وبكرة .. والسيف كان مزحوووم مرة .. بس الكل كان مستانس ..
ديمة : خلونا ندخل السينما ..
سالم : مافي .. لا رجعتي الرياض روحي السينما خخخخخ
ديمة : انت ليش كذا تحارش ..؟!؟ من كلمك يعني ..؟
لينا متفشلة من ديمة وصراخها لانه الكل بدا يطالع فيهم : حبيبتي ديمة .. هدي شوي . ما يصير تصارخين كذا ف قدام العالم ... عيب .. وش بيقولون عنك ...؟
دلع : الحين عمي عبدالرحمن وعمي عبدالله وين..؟
سعود : راحوا يقعدون ف الكوفي شوب تحت ..
دلع : واحنا الحين وين بنروح .. ما احب اوقف بوسط الممر كذا .. زحمة كلن رايح وكلن جاي ..
سعود : شباب وبنات اسمعوني
الكل انتبه له ..
سالم : هاأ.؟
سعود : وين تبغوا تروحوا الحين..؟
سالم : نتمشى ..
ديمة : انا ابغى السينما
دلع : وانا ابى آكل
لينا : وانا ابغى اتسوق
سعود : اتفقوا على شي واحد ..
برطمت ديم ولينا .. كل وحدة تبغى تروح مكان ..
دلع : والله جوعانين ما اكلنا ..
سالم : صدقها دلع .. من يوم وصلنا ما حطينا شي ف بطووننا ..
ديمة : هذا انت ما همك غير كرشك ..
سالم : تنطمين ولا سفل فيك قدام الناس ..؟؟!؟!؟ ( اسفّل : اهزئك ، اهاوشك )
ديمة : افففففف
سعود : خلاص .. نروح نتعشى بعدها نتسوق وبعدها السينما .. وكل هذا يعتبر تمشية لسالم ... صح ..؟
الكل سكت موافق على هالفكرة ...
___________________________________
(( ف الدمام .. سيارة عوض ))
عوض معصب : وهذولي وين عرسهم يعني ..؟
ام عوض : شفيك تكلمني كذا..؟؟
عوض : ما اقصد يا يما .. بس ترى والله واصلة معاي .. ابغى اطلع مع ربعي وانتوا حاجزيني من العصر .. وعرس ف العيد بعد .. احد يسوي عرس ف العيد!!!!
اروى : عاااق بالوالدين .... !!!! بعدين وش دخلكم بخلق الله انت .. يسوون عرسهم متى ما بغوا ... عرس ابوك هو ....؟؟!؟!؟
عوض: صحيح والله يا اروى ..؟ ما دريت .. زين قلتيلي .. فوق كل هالمشاوير اللي اوصلك واوديك لها وانا عاق ها..؟ ولا بعد الزفة اللي بعد العقوق هذي انا اوريك عليها .. بس خليني اوصلكم واروح عند ربعي وبكرة يصير خير ....
اروى : انا قلت بالوالدين ما قلت بالاخووات ...؟!!؟!؟
عوض: يما شوفيها .. كلمة ثانية وبحذفها من السيارة ...
ام عوض عصبت ووصلت معاها: الله يصبرني عليكم انتوا الاثنين .. انا احسن شي مرة ثانية اروح مع ابوكم .. !!!!
___________________________________