الملل والروتين اليومي الي انتي فيه نعمه من ربي العالمين
فيه الي متزوجه وتغسل في الكلاوي
فيه اللي متزوجه و تاخذ في العلاج الكيماوي
فيه الي متزوجه وما تنام من الوجع والألم وماعندها حتى حق الدواء وثاني يوم تقاوم الوجع لأجل أبنائها ...
فيه الي متزوجه وهي الي تشتغل على زوجها وبيتها مش هو الي يشتغل علي خاطرها...
فيه الي متزوجه ومتحمله الفقر ومتحمله الضرب والاهانات من زوجها

واذا انخرطي في الحرام ومشيتي في هذا التيار اليوم وغدا وبعد غد وسنوات وسنوات وبعدين شنو الخطوة الثانيه ....اسمعي حتى لو مايعرف عنك شيء في النهاية انتي داخله في الحرام وغاطسه فيه لي خشمك ...

واذا تطلقتي وتزوجتي هذا الصايع المؤدب وبعدين شنو الخطوة الثانيه واذا حسيتي بملل معاه وروتين يومي بتكلمي صايع ثاني وبتطلقي من الصايع الأول ولا كيف بتديري ؟

اقولك على شيء الدنيا تافهه ومش مستحقه أننا نخسروا آخرتنا علي خاطرها لأنه اصلا مافيه شيء يستحق نخسروا أنفسنا علي خاطره ...
يوم القيامه لما بتجي انتي وزوجك وهذا الرجل وزوجك يشكيكم عند ربي هذا الرجل بيقول انا مادخلي هي الي جتني وكلمتني هي الي خربت بيتها هي الي تطلقت من زوجها هي الي خانت زوجها هي وهي وهي يعني كل إنسان نفسه نفسه وما بيعترف بيك أحد واصلا كل شيء مكتوب في كتابك وبتقريه بروحك وكل شيء في جسمك بيعترف بغلطك صبعك الي كتبتي بيه وخنتي بيه زوجك وتواصلتي بيه مع المؤدب بيتكلم ويقول كتبت ......اتق الله

توبي حتى يتمسح كل شيء وتفتحي صفحه بيضاء خاليه من الحرام والمعاصي .....إذا ما تصلي جاهدي نفسك وحافظي على صلاتك في وقتها وادعي ربي يهديك.....حافظي على ورد يومي من القرآن حتى ينشرح صدرك....إذا المدرسه القرآنيه قريبه من بيتك سجلي فيها واحفظي القرآن وتعرفي على أخوات صالحات اصلحي حياتك من البدايه
اهتمي بزوجك وببيتك .....
المسكين اذا كان يشتغل من الصبح لين الليل حتى يأمن مستقبل بيته شنو ذنبه هي ظروف الحياة تبي تنازلات وتعب المفروض تكوني أمينه في حضوره وغيابه لأنه هذا شرع الله في محافظة المرأه على نفسها وبيتها وزوجها ......حرام عليك الي تديري فيه كيف طاوعك ضميرك اصلا تخوني زوجك بجد كيف قدرتي ؟..نسأل الله العافيه

توبي لي ربي لأنه الموت بينك وبينها شعره واذا جاتك ماعاد فيها رجوع

الله يهديك