بس حطب ! بجيب معاي صاجي و اتفنتك لكم بخبيزة



شوفي يانوفي
جيل (البنات المتعلمات ) فيها السلبية وفيها الايجابية
الايجابية انها متوافقة مع متطلبات رجال جيل اليوم
مايهمه تطبخ وتنفخ قد مايهمه يبي وحدا واعية و ذكية وتهتم فيه وبنفسها

لكن عذروبهم او سلبيتهم .. في فرق شاسع بين جيلهم
مانقدر نقولها خليك مثل الجيل السابق ..
لان الجيل الحالي ممكن يعاند اذا ارغمتيهم ع امر يخالف جيلهم


لو تبحث عن جسر للحل :
بداية الجسر تبدا من بداية التربية .. قد مايكون لك تأثير ع البنت وتحميلها المسؤولية
قد مانوصل للهدف المرغوب ..
هو اجحاف وظلم ان نحاول نخلي البنت مثلاً كما الجيل الماضي لانها ماراح تتفهم
لكن التربية و المهام الموكلة لها هذا الحل البديل
وتكون نتيجة المعادلة
(امرأة متوافقة مع الجيل الحالي لكن حدس المسؤولية عالي عندها)



والحل من جهة اخرى .. و بنظري ومع متطلبات المعيشة حالياً ..
حلو اني اربي بنتي بين امرين
1-انها تتحمل المسؤولية .. الحياة مو بس نوم و نت وطلعات ،الزواج مختلف
2- وبين اني اعلمها كيف ترفع استحقاقها اتجاه نفسها
لان صراحة رجال اليوم ونادر ماتحصلي رجال .. يفضل المرأة الموزونة وحياتها وسط
لا تلتصق فيه ولا تدفن نفسها وبنفس الوقت مكبره عقلها وهكذا تستمر حياتهم
وبكذا هي تقرر متى ترتبط لو يصك عمرها فوق 30 المهم ماتتخذ هالخطوة الا وهي قدها
لان حالياً البنت الي طموحها فقط زواج ..
هذى بتهرب من مجتمعها لكن للاسف طريقة هالزواج ماطول
لان اتخاذ حل الزواج من اجل الهروب تتوقع انها رايحة لحياة الرفاهية
واغلب جيب بنات اليوم مملات بالعلاقات .. لانها اما تنشب لرجال او تحب تعيش دور المظلومة و الدراما لذا التربية يدخل معاها امور اخرى انها تكون انسانة متزنة وتحل الامور بعقل واعي

تذكرت اخوي كان يفضفض لي .. يقول حقيقة انا ابي زوجة مو طموحها بس مطبخ
ابي وحدا اذا ناقشتها تاخذ وتعطي معاي وتبهرني بطريقة تفكيرها