وعليكم السلام ورحمة الله
ابوي نفس ابوك رافض نهائي اشتغل واطلع من البيت
برغم اني انقبلت في كذا وظيفه اتمناها اعشق القهوة والرسم على القهوة
انقبلت في كذا مكان بوظيفة باريستا وبراتب حلو
وهو رافض يشوف الشغله مُخجلة
وفيها اختلاط رفض اسوق واصير في تطبيق وصلني رفض كل شي
ففكرت في مشروع من البيت بحيث مايكون طبخ لان الطبخ متعب ولا املك جلادة وصبر له
فرتبت لي حساب انستا واستعنت بمصممات صممت ثيم خاص لي ولشغلي
وسويت كذا اعلان بالتيك توك وارسلت لمشاهير منطقتي عينه من شغلي
بوكس ورد
تعاملت مع ورد الجملة وصرت اخذ من عنده بمعية الوالد لانه رافض اختلط حتى بمحل ورد
وصار يوصلي الورد اللي احتاج وجبت مندوب ايضاً بمعية الوالد يوصلي الطلبات
توسع شغلي وصاروا البنات يطلبوني مع الورد كيك شوكلت اوقات هدايا من سوار فسكي
فتوسع شغلي وصار دخلي ممتاز صح مو كل يوم طلبات بس الويكند بداية الشهر الميلادي مابلحق
اهم شي تختارين شي مميز وتشتغلين عليه بضمير
تكلفة مشروعي 1500 ريال اخذتها من ابوي
وطلبت كل اشياء المشروع من علي اكسبرس واتفقت مع مطبعه وطبع لي البوكسات اخذت في التجهيز للمشروع ثلاثه شهور

راح ارفق لك صورة وان شاء الله استفدتي من تجربتي بالتوفيق