اقتباس : من ( ساعي البريد ) بتاع المخيم ..
( ياخي احنا البنات نكره اسلوبك منفر محد يطيق يتكلم مع فكرك المحدود بلاش تناشبنا حتى في مواضيعنا الخاصه ارفع علومك وروح عند الرجال تناقش معهم لاتطلع عقدك النفسية علينا محد يتقبل اسلوبك وكمان تقتبس من مدوناتهم وتكتب بمدونتك الكرامه عندك زيرو )




مليون مرة وأنا بتهزأ ...ليه كدا ..!!...


تعالي يا نعناعة شوفي ساعي البريد بتاع المخيم اللي ميتسماش ...

نعناعة : مالك ياسبعي وياضبعي بتولول زي النسوان ..!!



أنا بقولك اتهزأت من رسالة مع ساعي البريد بتاع المخيم ....

نعناعة : طيب ومالو ...هوا مش أول مرة بتتهزأ ..!!



إيه اللي بتقوليه يا نعناعة ....!!

نعناعة : مفيش حاجة بكلم نفسي ..!!



آه طيب ماشي ...هنعديها ليك المرة دي...

نعناعة : يالهوي ..ساعي البريد واقف برا ..والدنيا برد ...




على فكرة طلع ساعي البريد ست مش راجل ...لكن هخليها تتلطع برا.... ولما يجمد دماغها هنفكر ندخلها البيت ولا لا ...

نعناعة : لا ياروح أمك مش هتدخل البيت لا هيا ولا اللي خلفوها ..!!



طيب الست واضح انها غلبانة وكانت بتوصل رسالة وهتمشي الصباح ...

نعناعة : خلاص خليها تنام فـ زريبة المعيز ...



ميصحش يانعناعة بكرة سيرتنا هتكون على كل لسان في الحتة كلها ...!!

نعناعة : طيب خليها تنام فـ السطوح ...فـ عشة الفراخ ...



حرام عليك يانعناعة هيَّا مجرد ساعي بريد للمخيم ولازم تعامليها بإنسانية ...

نعناعة : براحتك يابن فتحية ..اعمل اللي إنتا عاوزه ....وأنا هعملها فطار محترم يليق بحضرة جناب ساعي البريد بتاع المخيم اللي ميتسماش ....



طول عمرك أصيلة يانعناعة ...وكل يوم والتاني بيزيد حبي ليك ....



......