النظافة عند بعض الناس معدومة ...
يارجل كثير ما أشاهد ناس تفتح قزاز السيارة وترمي مناديل وعلب عصير ومدري ايش ..
مرة كنت واقف عن الإشارة ...وقدامي واحد واقف ....المهم فجأة فتح باب سيارته ورمى كاسة ورق مليانة شاهي أو حليب ..رماها على الرصيف ..وانكب بشكل ملفت للنظر ..وحاس أم الدنيا ...
لا وبعد كمان ما استكفى بالشي هذا ...فتح باب سيارته وجلس يرمي على الزفلت قراطيس ومناديل ...!!!
وهذا في الشارع قدام الخلق ...وطبعًا هذا مثال لشخص واحد ... واللي مثله كثير ....
ناهيك عن دورات مياه المساجد اللي في طرق السفر .. وعن طلعات الناس في البر ..و..و..الخ ...
مدري هذي النوعية من الناس كيف عايشين ...وين عقولهم ...مافيه عندهم ذرة ذوق ولا إيش ...!!
لا وبعد كمان تعال للأحياء السكنية تشوف برميل الزبالة فاضي والقمامة مرمية جنبه ...!!
مرة من المرات شفت شخص معه زبالة وقبل مايوصل البرميل بمسافة بسيطة ...وقف ورماها جنب البرميل ...!!...ومدري ايش السبب اللي يخليه يسوي زي كذا ...
خلاصة كلامي :
نحتاج لفرض عقوبة على كل من لم يحافظ على نظافة الأماكن و المرافق العامة داخل البلد وخارجه على طُرق السفر .....
أحيانًا أوقف عند دوريات المياه على الطرق السريعة ...وألقاها أوسخ من الوسخ نفسه ..!!...
يارجل السيراميك والبيبان مكسرينها ..!!...ومدري هل اللي كانوا يستخدمونها بشر ولا حيوانات ..!!
.....