يـاالله يا مـتـفـرد ٍ فـي صـفـاتـك
ومـن فـوق عـرشك عـز جاهك وذاتك
اغـدق علينا اليوم مـن مكرمـاتك
انت الكريم المعطي المغني النور
مـكـارمـك يـارب تبـقـى عـظيمـه
مـكـارم ٍ مـا مـن وراهـا ظـليمه
إلاّ دوى لأهـل الـقـلـوب السقيمـه
اللي تناجـي في وسـط ليل ديجـور
يـارب فـرجـهّـا علـى أمـة اقـرأ
واكـتـب لها فتـح ٍ قـريب ٍ ونصرا
كـما كـتبتـه بأرض قيصـر وكـسرا
مـاضي فتوحـات ٍ تقل بحـر مسجـور
الحـال مـا يخـفاك يـارب جبريـل
مليـار مسلـم والبلا مـا هنا حيل
حـياتهـم قتـل وخـيانـة وتنكيـل
واللـوم يـرمونه على وعـد بلفور
تـرى البلا والـوهن مـنـا وفينـا
ما هـو وعـد بلفور ابـن اللذينا
احـنـا نهـد وعمـرنا مـا بنينـا
يجـوز نبني لا دنـت نفخـة الصـور
أُمـة تخلـت عـن بـلـوغ المعـارف
واستبـدلتها بـالعـري والمعـازف
يـوم الأمـم تبني صـروح وتحـالـف
وتغرس على سطح القمر ورد وزهـور
