"نحنُ نفرُ من قدر الله إلى قدر الله"
أحس إني بخاطري أقول كلام كثير بس مش عارف أش هو
وعلى الأغلب لاني ممكن لو تكلمت وأنا بهذا الشعور
رح أقول كلام وبعدها أندم عليه
المهم دعواتك لنَّا❤️
وأنا بكتب تذكرت موقف
صار معي بسبب اللهجة وتحويل حرف القاف إلى ئ
مع إني بحكي بحرف القاف دائمًا يعني
مدري أش صارلي مرة وحبيت اتمدن
كنّا نحكي عن المخللات يعني مثلا الخيار والأشياء هاي
فشلي كنت بدي أضرب مثال على مخلل
فرفعت يدي وقلت "مئدوس"
وطبعًا بعدها ضج المكان بالضحك
لاني الكلمة الي إجيت أتمدن فيه طلعت خاطئة
وغير مستخدمة حوالينا
والكل بقول مكدوس أو مقدوس
بس جد المدن بحكوها مئدوس؟ ولا أيش
ترا المقدوس هو عبارة عن بيتنجان فيه جوز وشطة وثوم كأنه وبكون بزيت زيتون
وزاكي ترا
بالنسبة لي باللهجات الواحد يحكي الي بريحه