..
حياك الله يا الطيب
شوف يا ابن الحلال
بما اني بنت واشوف البنات من حولي
الخلل في التربيه من الصغر لا تعودون بناتكم او عيالكم
على الدلال الزايد واي شي يبغونه تجيبونه لهم
ولا تشدون عليهم لدرجة تكرهونهم حياتهم
الوسطيه مطلوبه والبنت خصوصا تتأثر بالصحبه اللي تماشيهم
شفنا كثير أمهات يشتكون من بناتهم
السبب مثل ما ذكرت فوق التربيه
في حالة بنت اختك بما انها يتيمة الاب
حاولوا تتعاملون معها بالحسنى تذكروا أنها مراهقه
وكل المراهقين تقريبا ما يحبون احد ينتقد تصرفاتهم
المهم الحل في حالة هالبنت تتحاورون معها وتتقربون منها
شوف مين من العائله هي تسمع كلامه
خالتها مثلا جدتها احد من أهل ابوها
سحب الجوال ومنع استخدام الانترنت كذا كأنك تزيد النار حطب
التعامل مع الابناء صار صعب مره
وواضح امها متهاونه معها من زمان وفيه فجوه بينهم
وكمان شوفوا اذا فيه وحده من صحباتها عاقله وتفهم وتكلمونها هي تكلمها
وانصحكم تستشيرون احد مختص
تذكروا كل بنت وشخصيتها
الله يهديها ويصلحها
..