*
* نحن الغرباء ...
اولئك الذين يستوطنون الكلمة ..!
لا نهجوا احدًا ..
إنّما نحاول ان نتنفّس ..!
لا واعذابي لا غدَن الايام
ما تشبه إلا كذبة اصحابي
اوفِيت :
...كانوا عصبه من اوهام
خذلانهم واقف على بابي
***
ما فيك يا صدري عتب وخصام
من يستحق احرق له اعصابي
***
سج الفكر : يا فوق : يا قدام
للخلف ... لا ترجع بي إركابي
***
يالخاينين :
الخاينين حطام
نفضتهم من طارف ثيابي
***
لا يمكن ان صدري يصير الغام
لو فعلكم كشّر عن انيابي
***
خليتكم خلفي سوات العام
تاريخكم ملغي من حسابي
***
ما كان غيري للطعون حزام
كم طعنه تلقّيت يا احبابي
***
لكن فدا : ما طاح عزمي : قام
ومن السطر قمت افتل اشنابي
***
إن جا المسا حطيت راس ونام
وممّا حصل ما تسهر اهدابي
***
لي قاف لاجل الهابطين لجام
لا مروا فْبَاله ما يرتابي
***
قصيدهم برد ورقيل عظام
وقصايدي فاتورة اتعابي
***
ياللي تدوّر لك عظيم إلهام
يكفي تمر بفهرس كتابي
***
شاعر : تعدا زبرقة الاقلام
عظيم : بحضوري : وبغيابي
* عتيم .. !
..