السلام عليكم ورحمة الله وبركاته،

بعتذر عن هذا العنوان بداية بالنسبة للرجال..
بس بتمنى تاخدو الموضوع على انه (( تفريغ اكتر ما هو شكوى وبشكركم للتفهم مقدّماً )).

لكن يبدو تجاربي الشخصية خللتني أتعقد من الرجال،

للأسف مرّيت بانكسارات كتيرة وخللتني قول : (( الرجل شخص أناني)).

أكيد الرجال مو متل بعض، بس ليش بيهتمو فقط ب (( رغبتهم)) !!
أعني بالرغبة جميع أشكالها وممكن تكون المادية او راحة بالهم.
ما بحبو شي اسمه headache!!
واذا المراة صبرت وسكتت معلش، هو يصبر (( لاء )) !!

بعتذر بعتذر ..

لكن أخدت فكرة عن الرجال انهم بيهتمو بنفسهم وبس.

حتى الحبّ، هو شيء مؤقت في عالمهم.
وقلت ل ماما شغلة : " اكتشفت انه الرجل السعيد في حياته مع زوجته، لانها زوجة بتلبي له جميع مطالبه وكفى !! مش لأنه بحبها "

ما بدي عقّد البنات من الزواج بهالموضوع، بس يبدو هيدي الحقيقة المُرّة..

أنا للآن ...ما عم بعرف شو بده الزوج من زوجته ؟؟ جمال = بده اكتر من هيك ..
مال = بده اكتر من هيك..
وبتبقى الزوجة تعبانة تعبانة ويااا ريت عاجبو كمان..

سبحان الله، اغلب الزوجات يلي بقابلهم اول ما اذكر لهن عن زوجهم ( وان كاانت بتظهر انها سعيده ) بشعر في سواد او حزن بعيونها !!
يبدو الكبت منهم !!

يعني انا هلا لو بدو يجي رجل يتزوجني، اول شغلة بحطها ببالي ( جاي يتزوج لانه أعجبه الشكل ! وبعد شهر ..شهرين بملّ ، والله يعلم بدو يلتزم او لاء...)) لانه للاسف الشديد، بهالزمن اكتشفت الزواج صار متل شراء (( القلم )). مش سيارة. حتى السيارة يمكن تعمّر ببيت الزوج اكتر .

* ونصيييحة نصييحة لكل بنت بدها تتزوج :

اذا بدك تعمري ببيت زوجك (( اتنازلي )) عن رغباتك. شوفي شو بده زوجك وبسس.
طبعا لا جمال ولا مال بفيد. بفيده (( رغباته )) وبس. يعني يمكن يحب يساافر، يتأخر بالليل مع اصحابه، يعصب عليكي لما يحلا له..

* بحترم جميع الرجال يلي رح يردوا الموضوع، بس بحكيلكم من هلاء ، بتمنى بتمنى شوف حلّ لمشكلتي واقتنع وترجع ثقتي فيهم للرجال انهم (( مش أنانيين )) !!
*********

انا بتمنى ينزاح شعوري المؤسف تجاهم وبتمنى يلتئم انكساري منهم!

******
انا عم بحكي عن ألم حقيقي وعيوني لسى بتدمع كل ما بتذكر ماضيي. وكل ما تحكي معي صديقة تواسيني وتشفق علي ، بحكيلا والدموع بعيوني : انا شفقانة عليه هو !! اما انا الحمدلله منيحة !!

نحن منشفق ع الاشخاص المريضين او يلي ما بقدروا يلي يحبهم!

الرجال ما بيعرفو حبّ ولا شيء - مع احترامي!
هنن بيعرفو حُبّ صح. بس ب "مفهوهم" الخااص !!! عندهم قاموس خاص فيهم !!

انا ولاااااا يمكن ولااااااا يمكن اصدّق في رجال بحب حبّ حقيقي. واذا أظهره..بكون شيء مؤقت فقط. لو جاء (( روميو )) بذاته ما بصدقه!!

* واذا في شيء عم يخفف عني، هو كلمة" الحمدلله" ، ولااا أسف على
الشخص يلي ما بقدرك ... + حكمة ( جعل شيء هدف في حياتك مش شخص ! )