ي اعظم هدية من مذل المماليك
.............يا اعز واغلا من مشى فوق الارضين

يا اطهر بشر مااقول انا غير لبيك
...................يامهجة الخافق وياسلوة العين

يُمه ينابيع الغلا منك وإليك
.......................تعجز توفيه الكتب والدواوين

وانا ورى اضلوعي مخبي لعينيك
.....................قصة غلا مختوم مابين قلبين

غلاك لو شفتيه في قلب مغليك
...................ماكان لحظة عن عيونه تغيبين

كم ليلة اشقيتك وانا بين اياديك
.............اسهرت عينك والمخاليق ممسين

ورغم السهر الله بفضله يجازيك
......................كنتي ولا زلتي عليه تحنين

افرح ليا شفت السعادة تغطيك
..............وابكي ليا شفتك من الضيق تبكين

حتى التراب اللي تدوسه مواطيك
.............في عيني اغلا من الذهب والبلاتين

وشلون مااغلي جنة ٍ تحت رجليك
................واسعى لها وابوسها لأجل ترضين