!
انتم عندكم مثل حالاتنا
الجدات والامهات مرضعات نص القبيله
جدتي جايبه ولد عمتي ومرضعته وصاير خالي
وابوي خاله اخو امه وهو اخو امي من الرضاعه
ماعلينا هذه هينه
امي مرضعه خالتي وصايره اختي / عاد ياياه ما ارضعتي الا ام الانتاج الطيب
ماعلينا
فيه جده بالحاره
مرضعه ابوي وولد عمه وولد اخت ابوي
صاير تشكيله اخوان من كل قبيله
برضو ماعلينا
عمتي مرضعه ولد بنت ضرتها
ومجوزه ولدها اخته غير الشقيقه
وصاير يقول اختي اخذه اخوي من الرضاعه
شربكه صح
احمد ربك ياللي تقرأ لو انك جارنا كان الحين انت ولد خالتي .. من الرضاعه
ماكان فيه صيدليه وحليب اطفال
كان فيه عجايز متفرغات
لاسيرت على جارتها وراحت الجاره تسوي قهوه لقطت ولدها وسوت له رضاعه مجاني
وهي بعد تعتبر سياسه
لاصارت الجده ماتبي هالعائله بعدين ياخذون بناتها سوت تداخل بالشربكه
اشوى مكنت على حليب الصيدليه
والا كان مرضاعتني الجدات