عِبارة عابرة اقتحمت سَمْعي
بدون استئذان لعابِرَي سبيل

قال لصديقه
" حتى الكلمة الحلوة صارت تبكيني "

عبارة قوية مؤثرة موجعة حد الألم


فكتبت ..

أسْتَغربه ..
بجَد والله احترت فيه ..

أسْتَغربه ..

هـَــ القدْ صارتْ دمعته
[ قريِّبه ]

أستغربه ..

حتى الكلام الحلو
فجِّر دمعته
[ يعذّبه ]

أستغربه ..

حتى الفرح .. للحزن صار
[ يقرِّبه]

أستغربه ..

صارت حياته فصل واحد
ليه ؟
والدنيا فصول !

كل شي تساوى بنظرته
ما يشعر بأيّة فضول !


عيش الحياه وفلها
بحلوها وبمرها ..
لا تموت قبل الموت

اِصرخ في وجه أحزان قلبك
[ عرَّها ]
يكفي سكوت

عيش الحياة [ رحلة ]
فيها تغير جو
وتشوف الأماكن

تجاوز العثرة
أمامك ضو
فيه الفرح ساكن

وفي النهاية كلنا
مصيرنا بنموت
الموت ما يحتاج إِنَّا
[نطلبه ]

أستغربه ..



سُهيل