صوره وحكايه :-
مثلما كلشي ألو بدايه ... عاجلا أم آجلا رح بيكون ألو نهايه
بعد مشوار 4 سنين في أعداد وتنظيم وتقديم المسابقات
طلبت أعفائي من منصب مسؤولة المسابقات وتركت هيدا المجال يلي كان أقرب شي الى قلبي , بل شغفي وحياتي وعالمي الأستثنائي يلي أكتشفت فيه مواهبتي في تحويل الأفكار الى مسابقات حية بجانب التنسيق والتصميم والأشراف
وهالمجال نفسو عرفني وجمعني بأعضاء رائعين وموهوبين ومميزين ومبدعين في منتدانا
كنت وبعدني وعطول مسروره وفخوره فيهم وبتمنالهم كل التوفيق والسعادة
للأمانة في منتدايا السابق كنت مكتفية بقا بالمشاركة في المسابقات (أما التنظيم فقط 4 مسابقات في 6 سنين)
وكنت مكسره الرقم القياسي في عدد ميدالياتي وأوسماتي يلي ربحتهم وأاسم الله كانو (60) وسام
كانو حصاد مشاركاتي في الأقسام + مراكزي يلي ربحتهم في المسابقات (وبعدني محتفظة بصورهم)
بس هون في هالمنتدى ولعيون وكرمال أعضائنا الكرام وبناءا ع طلبهم
قررت أني أقتحم هيدا المجال بدايتا من (بروكرام النقاش الطبي) الى أخر مسابقاتي يلي قدمتها شهر ديسمبر (عالم الأبداع)
كتر خير الله خلال 4 سنين قدرت أنظم وأقدم بقا 33 مسابقة منوعة وحصرية في أغلب أقسام المنتدى
من فكري وشغلي وجهدي الخاص , وفي مسابقاتي الأخيرة الشهادات كانو من تصميمي كمان
كنت بتمنى أني أقدر أكفي وأكمل مجال المسابقات لعيون روادنا الأعزاء
وأني أقدر أفيدهم أكتر وأشجعهم وأحفزهم عطول وأفتح قدامهم المجال لحتى يبحثو عن
الجانب الإبداعي فيهم وينوعو في مجالاتهم الأبداعيه ويستخرجو مواهبهم وطاقاتهم لبرا
ولكن مشروعي الهندسي الجديد يلي أستلمت الأشراف العالم عليها بداية هيدي السنة
سحبت كل وقتي وطاقتي وجهودي وتركيزي ,, وماضل عندي مجال كافي للتفرغ لعالم المسابقات
قبل كنت متفرغة تماما لبلورة الأفكار وتحويلها الى مسابقات بكل مراحلها
أعداد وتنظيم فقرات المسابقة سنن الشروط ,, ترتيب وتنسيق وتصميم مواضيع الإعلان والختام والتصويت
وبعدو الإعلان عنها ورعايتها والاشراف عليها ومتابعتها ,, أرسال مسجات الدعوة والتذكير
ومتابعة مواضيع المشتركين وتذكيرهم بتوقيت تقديم المواضيع الى التصويت والختام وكلشي من الالف للياء
كانو أوقات وأيام وأسابيع وشهور وسنين خصصتهم بقا من عمري للأعضاء وللمسابقات
هلآ لأاسف بطل عندي وقت كافي ... أنجق الحق اني أفوت ع المنتدى وأطمن ع أخواتي وأخواني الأعزاء أجاوب ع مسجاتهم وتقييماتهم الرائعة ,, وقوم بواجباتي كمراقبة عامة ... وأذا ضل عندي وقت
أكتب شوي في مدونتي الرائعة هيدي
والجدير بالذكر قبل يومين طلبت من مديرنا الفاضل أعفائي من المنصبين سوا (الرقابة العامة ومسؤولة المسابقات)
بس جنابو وباقي مراقبينا ومراقباتنا الرائعين طلبو مني البقاء في الرقابة وماأترك المنصبين سوا
ولعيونهم وافقت أضل في الرقابة ,, بس تركت المسابقات بسبب قلة مجالي وتفرغي لمشروعي الجديد
(بعتذر من الأعضاء الغاليين يلي بيدايقهم هيدا الخبر وخاصتا رواد المسابقات يلي ناطرين مني مسابقة جديدة
حبايبي للاسف هيدا الواقع وأنا حبيت أخبركم الحقيقة المُرة يلي أنجبرت عليه ومكانت أختياري ورغبتي
بس مرات لازم نضحي بأغلى الأشياء في عالمنا الأفتراضي كرمال شغلنا وعملنا في الحياة الواقعية)
وربنا يوفقني في مشروعي وفي المنتدى وفي حياتي ويوفق الجميع
وللذكرى هيدا كان أخر مسابقاتي في هالمنتدى الرائع 
�� مسابقـة عـالـ الأبـداع ــم ��
https://www.al2la.com/vb/t124030.html
�� ختــام مســابقـــة عــالــم الأبـــداع ��
https://www.al2la.com/vb/t125246.html 