من بعَد غيبتك يا خلي جيت اسألك
هو بقى في خفوقك للغلا مسألة
كيف تنسى وليفك قول من حولك
وانا قلبي الرهيّف قد ضناه الوله
اذكر اني اذا حنيت جيت ازهلك
وكلما جيت ابي قربك تقول ازهله
الصفي ما يسال الخل وش مدهلك
الهوى والضنى والشوق هم مدهله
اتركك من غرورك هيه لا يقتلك
لا تميت المشاعر والغلا تقتله
لا تغير على اللي في الهوى جنتلك
يوم كلٍ مع حبه لقى الجنتله
خل صدري الصغير يالغضي منزلك
لو تقفل ورب الكون ما تنزله
لو تماديت في هجرك فكيف اوصلك
من تغلى تخلى وما لقي موصله
"طـبـيـب الـشوق"