چنت طالب بعدني وجاني الاستاذ
قلي انهض عزيزي اعربلي جمله
متردد قمت والخوفه تملي العين
خايف من جملته تكون مو سهله
قلت له استاذ حاضر شنو هي الأعراب
قلي اعرب عراق شيسوه عند اهله
**************
قلت له (العين) عين الله ترعاه وتحفظه
شامخ هالوطن ما يعرف الذله
عالي وما نزل مرفوع دوم الراس
عنوان الشرف عـالعالي تشوفه
اما (الراء) روح المحبه وطيب
مثل التاج شعبه ومن ذهب اصله
راجح بالعقول وحكمته جبال
موسوعة فكر والعالم تجله
قلت له (الألف) تدري شتعني عدنه استاذ
معناها چبير وصعب توصله
اهل المرجله وأولاد الرجال
وابطال البشدايد ناس ما تخله
رجال الي بالنووووايب تحرق الاعداء
وعلى چتـوف المنايا تفوت محتفله
(القاف) الي بالاخير تهز الإحساس
قصة من الانجاز بدفترك سجله
قانوووون العدالة وحق الإنسان
اسسها شعبنه وتنحسب لأجله
وقف الاستاذ حاير مدري شيقول
متعجب بكلامي شلون شيردله
صفقلي بحراره وعينه تجري دموع
وهتف عاش العراق وعاشوا اهله