يسعد مساكم بنات

حبيت فكرة الموضوع

والله أنا شفت قصة عن هالموضوع
الولد طيب بزيادة والأم متعلقة فيه ومعتمدة عليه هو أكثر شي
لأن ما يرفض لها طلب وباقي الأخوان مو نفسه
للأسف اللي مثل كذا بسبب طيبته يشوفونه ضعيف
وهو مشكلته يحب أمه وما يبي يزعلها وبار فيها
ونفس الشي مع باقي الناس ويجامل على حساب نفسه

بس الأم يكون عندها تملك أو متعلقة فيه
ومعتمدة عليه اعتماد كامل

المهم
في النهاية لما تزوج زوجته كانت عكسه
وهي اللي خلته يتغير
لأنها ما تجامل على حساب نفسها وتعرف متى تقول لا
ومو طيبة بزيادة وما تحب التحكم

في البداية كانوا ساكنين مع الأهل
وكله تحكم وسيطرة ويعاملونهم كأنهم أطفال
طبعاً ما كانوا مرتاحين
وفي النهاية قرروا يعيشون وحدهم وبعدين ارتاحوا

صح الأهل ما تقبلوا هالشي بسرعة
بس بعدين صار الوضع عادي وتقبلوا
والولد عادي يزور أهله ويسأل عنهم وكل شي
يعني ما تغير عليهم بس صار مستقل وحر


طبعاً أنا ضد أن الأهل يتدخلون بكل شي
لازم الولد يكون له راي وحتى لازم يعودونه من الصغر أصلاً
أنه يكون مستقبل وصاحب راي وقرار عشان ما يصير ضعيف وتابع

وبصراحة اللي صار لما زوجته غيرته شي طبيعي جداً
دايماً لما يعتمدون على أي شخص بزيادة ويتعلقون فيه
لازم يصير شي يبعده عنهم ويغيره

والتعلق مو زين أصلاً
ومن تعلق بشي غير الله عُذب به