أنا زعلان منك حيل وشايل لك بقلبي عتاب
وأتمنى تحملني مثل ما أتحمل عتابك
ترى بعض الصراحة جرح وثقل ونرفزه وأعصاب
أبي تسمع كلامي زين وتمسك زين أعصابك
تعاهدنا انا وانته على إنا نكون أحباب
وأحبابك هم أحبابي وأحبابي هم أحبابك
وش إلى غيرك فجأة تكلم واذكر الأسباب
أنا بسمع كلامك زين وبسمع زين أسبابك
رغم كل الخطاء منك فوجهك ما قفلت الباب
ويوم أخطيت في حقك قفلت فوجهي أبوابك
رخصت الغالي لعيونك حنيت لخاطرك ارقاب
رضيت أحنيها ارقابي ولا تحنيها ارقابك