من هجوس تغني الذوق عن بعض الهجوس
يـعـلــم الله كـنـهــا الــلــول يـــــوم نـصـبـهــا
كنـهـا سـرايـت الـبـرق لـيـا قـامــت تـهــوس
مـــن يـقــول الله علـيـهـا نــقــول ابـشـربـهـا
القـصـايـد مـــا نـســاوم علـيـهـا بـالـفـلـوس
تفـتـخـر فـيـنـا القـصـايـد قـبــل نـفـخـر بـهــا
مــن خلـقـنـا الله وحـنــا عـزيـزيـن الـنـفـوس
مـانـوطـي شــمــخ الــــروس غــيــر لـربـهــا
مـارديـنـا والـلـيـالـي لــهــا وجــــه عــبــوس
خـــل يــــوم ان الـلـيـالـي سـمـيــح دربــهــا
لـيـا جهـرنـا بالمثـايـل نــدوس الـــراي دوس
والدسـايـس بــارد الـعـيـن مـــا يـجـهـر بـهــا
مـا نشدنـا عـن دنـوع علـى الـجـره يـحـوس
يحسـب انـه صـار حـاجـه وهــو مــن جنبـهـا
قـدرنـا عـنـد النشـامـا مـجـرب ومـحـسـوس
الـرجـال الـلـي عـلـى الـديـن مانبـخـل بـهــا
الـتــجــارب عـلـمـتـنـا وصـمـيـنــا الـــــدروس
نـعــرف الـنـفـس الضعـيـفـه ونـعــرف طـبـهـا
ينطفـي سـم الحيايـا وهـو تـحـت الـضـروس
يالله انـــك تختـصـرهـا عـلــى مـــن شـبـهــا
الـبـنـادم لاتـعـافـى عــلــى كــفــه يــبــوس
وش يـبـي بـاعـراض الاجــواد يـــوم يسـبـهـا
لايحسـب ان المـراجـل تـجـي دربــاي روس
يـنـتـبـه مـــــن جــمـــرة الــنـــار لا يـلـعـبـهـا
مما راق
للشاعر / مساعد ربيع الرشيدي