صباح الخير
اتمنى الجميع بصحّه وعافيه ..!
في صباح اليوم توفت جدتَي رحمها الله وغفر لها
واسكنها فسيح جناته
اتصلتّ امّي عليا الساعه 7 صباح
والله ماقدرتّ ارد مو مرتاحه لـ الاتصال
لانه استغربت مو عادة امّي تدق عليا صباح
ماسكه جوالي ارد ماارد وسويت نفسّي ماشفت الاتصال
شويه كدا اخوي يدق انا هنا خلاصّ عرفت انه فيه مصيبه
جاني زي الرجفه برضو ماقدرتّ ارد بخاطري اقول لاتعلموني
شوي كذا تجيني رساله واتس جدتك توفتّ
انا هنا خلاصّ غصه والم وحشرجه
عارفين شعورّ تبغا تبلع ريقك بس مو قادرّ
احسّ مصدقه ومو مصدقه
فتحت الرساله ابغا اتاكد اكثر واساله من جدك ؟
الا يدق اخوي وارد وطلع فعلا توفتّ
كانه كان عندي شُعور انه لا يمكن رجعت للحياه
او يمكن استعجلو بنقل الخبرّ
ع طول لبست عباتّي ورحت لها
يالله لمن شفتها ماقدرت امسك نفسّي
تذكرت ايامنا معها زمان وكيف كانت بصحتها وعافيتها
وسواليفها والان جثه هامده امامي لانفس ولا كلمه ولا حرف
يالله ي الدنيا فعلا فعلا والله م تستاهل منا اي شي
غير شي واحد عبادة الله عز وجل
حافظو ع صلواتكم لاتتكلمون ف الناس
عيشو ايامكم بسعاده وراحه وذكر لله
وابعدو عن الحرام