تمادى الليل وانهال الحزن من طرفك النعسان
ولا قصَّر بدأ أول مساه بروح ثلثينه …!
يهزْ الذاكرة هزة عتب من طاري النسيان
يخاف الصبح لا يشرق عليه يموت من حينه..
يمر بلحظته كنه يفتش عن بقايا انسان
يحس بدون ما يشعر عن احساسه تهمينه !!
حبيس أدراج باله تمتماته من صبر و إيمان
وروحه من برَد لكن جسده الجوهري طينه
تهادي و اسكني قلبه لك التقدير والعرفان
من أول يوم من عمره إلى خمسة وثلاثينه !
يحصنك بفؤاده في طهر بسم الله الرحمن
عليك من المخافة و البراءة ما غفت عينه
عرفك بكل ما يملك من الحسْ ومن التحنان
وقلّد لهفة إنك من قبل عِرفه تعرفينه !
يلم بكل ما يدمع عيونك من فرح و أحزان
يقبّل دمعتينك براحتيه و يرهن سنينه ،،!
من الوجد ومن الحيرة ومن الفقد ومن الحرمان
ومن ظنون الليال الموحشة فارد لك ايدينه
وقف لك قلب أب و روح أم و اعتزاز أخوان
يكللك بفرح قلبه و يلبسْك الطمأنينه !
تدور أزمان والا ما تدور لمقلتيك أزمان
رهن عينك قبل لا تسألين بحيرتك وينه ؟!
أنا فداهم