احيانا اقول … ياولد هذي طيبه زايده .. ولا حماقه

انت على نياتك … ولا أهبل وسهل ينضحك عليك

تخيلو .. سيارتي تعطلت .. وجاني زميل معي فنفس العمل لنا سنين مع بعض

وقال اعرف صديق عنده ورشه يضبطها لك وانت حاط رجل على رجل وراح اوصيه عليك

قلتله طيب الاسعار كيف ؟

ضرب على صدره وقال عندي لا تشيل هم
سلمتهم السياره وضبطوها وطلبوا مبلغ وقدره

سألت متعجباً ..ياهوووه مو كأن السعر غالي .. طبعا عرضتها قبل على اكثر من ورشه واعطوني سعر اقل بكثير

طبعاً اعطاني قائمه بالمبررات وانو احمد الله انها جت على ذا السعر
وبما انهم خلصوا من السياره خلاص اضطريت اني ادفع ولكن في نفسي ريبه وشك


وبعد فتره اكتشفت ان زميلي هذا متعاقد مع كذا ورشه ويجيب زباين لهم وياخذ عموله وفلوس من ظهورنا
والمسأله لافيها لا معرفه ولا توصيه ولا صحبه ولا زماله … بل يخدرنا بكلامه ثم يفاجئنا بالسعر المضاف له ( عمولته )
واحنا من باب الثقة معد نسأل ولا ندقق…ونضطر للدفع


كل ما أقول خلاص علمتني الحياة .. معد في احد يقدر يضحك علي
يجيني شخص وعلى عين غره ويلسعني على أفايه ( بالمصري طبعاً)