الانترنت عامل زي تلاجة كبيرة
فيها انواع كتيرة من المشاعر
بلا طريق .. وبلا هدف ..
لانه في البداية
لا يوجد صوت ولا صورة

ولأنه خلف شاشة
فيه كل ما لذ وطاب من التناقضات
اللي تجذب المخ .. لو لسا مراهق

مثلا احسن بنت تكلم عن الالتزام
وتلاقيها بتدافع عن الدين
تلاقي مثلا صورة البروفايل
بتاعها واحدة سايبة شعرها
لابسة نص لبس ..

شخصية منفتحة متدينة ..
دي ابرز الصفات في الشخصيات
اللي بتلاقيها علي السوشيال ميديا عامة
طبيعي انك ممكن تنجذب ..
لو انت لا تبحث عن شئ ..
انت مجرد متلقي ..
لما تأتي به السماء إليك ..
والطريق بيأخد مجراه لوحده ..
سميه حب او انجذاب او هبل
سميه زي ما تسميه
المهم ان في تفاعل بيتم
تحت غطاء مزيف ..

المهم انه بيحصل تعلق بالحالة
التعلق ده بينتج عليه كل انواع المشاعر
اللي في الحب
من غيرة او اعتياد علي الكلام
وفقدان ولذة .. وكل شئ ..

الحالة بتحصل .. لأنه لازم نفهم النوعيات
اللي عندها اقبال علي التعارف بشكل عام

اغلبها خجول .. عاوز ومش عارف
او عارف ومش دارك ..
حاسس ومش مالك ..
فاهم ومش واثق ..

شوية مشاعر معقدة
لأن الأساس اللي بتقوم عليه المشاعر دي
مش صلبة .. انت فقط قد تأمل .
ولكن بتخاف تأمل ..


دول النوعية غالبا اللي كتير
مش فاهمهم او مصدر النقاش ..

اما اللي داخل متربص ومستهدف
انه يوقع حد او كدا .. او حتي كبنت
حابة تتسلي او غيره ..
فدي شخصيات علي الأقل واضحة
مش محتاجة تفسير ...