وانا صغيرة مكنش عندي أحلام ولا حتي عارفة يعني ايه أحلام
اللي كان بيسالني نفسك تطلعي إيه مكونتش بعرف أرد زي ما اكون مغيبة كل اللي عليه بنفذ خارطة طريق أهلي رسمينها .... مشيت في دراستي وانا برضه مش محددة اي حاجة لمستقبلي
لحد ما جه اليوم اللي حسيت فيه اني لا أنتمي لأي شيء حولي وشطحت بأفكاري ونطحت وقررت اني اهاجر كندا وكان ده أول حلم اتمناه في حياتي
طبعا اني اهاجر وكمان انا في وطن عربي وبنتمي لأسرة عربية بحتة كان الموضوع بالنسبة لأهلي ضرب من الخيال والجنون خاصة ان سني كان صغير .... مشيت في المراسلات علي الرغم من معارضة الوالد الله يرحمه لكن الشي الوحيد اللي مكونتش عاملة حسابه أن لازم يكون ليه حساب في البنك .. طب اجيبة منين وانا كنت في وقتها لسه باخد مصروفي منهم وانا خارجة .. وضاع حلم الهجرة وضاعت بعده باقي الأحلام والحمدلله على كل شيء