المدونة ....هي عشان أكتب فيها أي شي يجي على بالي ....وبدون أي إلتزامات ...
بمعنى آخر : مكان للفضفضة .........
لكن أتجنب الكلام فيها عن أموري الشخصية ....
ومن ناحية مدونات الأعضاء ...فأنا أتابع بعض المدونات ...اللي أحس ان أصحابها يتكلموا عن واقعهم بصدق ..لكن ماعرفت شي عن شخصياتهم الحقيقية ..
بعض الأعضاء لما أقرا ردودهم على المواضيع آخذ عنهم فكرة معينه ...ولكن لما أقرأ مدوناتهم ألقى نفسي غلطان في الفكرة اللي أخذتها عنهم ....ثم أتلخبط ..يعني مدري هل ردودهم أو مدوناتهم هي اللي اقرب لشخصيتهم الحقيقية من ناحية الفكر وغيره ..ولا لا ..!!
وبصراحة أنا مش فاهم الأعضاء ولا قدرت أعرف شي عن شخصياتهم من فكر أو طِيبة أو خُبث أو أي شي عنهم ....بسبب التضاد بين ردودهم ومدوناتهم ...
كنت أبسوي فيها اني راح أفهم الأعضاء وراح أعرف شخصياتهم ومدري إيش ...لكن طلعت مش مؤهل للشي هذا ... يعني فشلت ...
وماشاء الله تبارك الله ...بعض الأعضاء يفهمك لما يقرأ كلمتين من كلامك .....وهذا حصل معي ..وهو ان مرة من المرات كتبت كلام قليل غير مفهوم ...ثم علق عليه واحد من الأعضاء وجلس يشرح كلامي وكأنه جالس يتكلم عني ثم رد على كلامي ..!!.. ...ماشاء الله .عليه..
....