-
لا تنشد القلب وش عناه وش رده !
إن قلت ادلك يقول الوقت لي غادي !
عيت ظروفك رخا . . وش عاد بالشده !
خل المشاريهة لون المسألة سادي !
اتعبت القلب وهو وده . . وما وده !
معذور مدام بك موتي وميلادي !
اجيك ضامي غلا .. وانا على عده !
وإيه والله ارجع وانا ما احصل مرادي !
اجاملك والوله عندي وصل .. حده !
ياليت تدري غلاك أغلى من فؤادي !
واجد بالهوقت اشوف قلوب مرتده !
وإن جيت ابرتد معهم ردني منادي !
من علمك الجفآ ؟! . . من شار بالصده !
هو مادرى إنه طفى بي شمعة ودادي !
من شافني قال .. هالمغرور من قده !
مأيدري إنك سببك اصارع رقادي !
اخذت منك جروحن مقبله مصده !
وش حدني لك سوا الاصرار وعنادي !
من برد صدرك حرقت وجيه منهده !
تعبت ابدفى واخاف اولع شدادي !
البحر الاحمر سبب لونه سهم جده !
ومن كثر عشقه لها متهيجن هادي !
ما همه صدودها ما شح في مده !
ما اختار رغم القسى وما اختار له وادي !
وسلامة اللي سهر وإيده على خده !
العب مدام الهوى سيد من اسيادي !
إيه اعشقك والغلا ملعون إبو جده !
إن قلت لي عادي حشى والله مو عادي !
عرفت هالقلب وش عناه وش رده !
معذور مدام بك موتي وميلادي !
لبآذخ الشعر : حمد السعيد