الرجال أحبّ ما عليهم يتزوجو بنت صغيري.

كل ما كانت أصغر أحسن، مش مشكلة..
" حقيقة مؤسفة ودافع تاني اكره اني اتزوج "
* الرجال بحبو البنت الصغيرة ان شاء الله لو اصغر منهم ب ٣٠ سنة.
ويا ريتهم يكتفو..بيتزوجو بنت العشرين (( بتخلف..تجيب ولاد..بتكبر..يشيب شعرها المسكينة وتتعب.. )) وبتلائي زوجها صار ب عمر ٥٠ او ٦٠ .. وصار لسى بيطللع ع بنت عمرها ٢٠ مثلا. ويمكن يتزوجها زوجة تانية مو بعيدة !! ومرته يلي اتزوجها وهي صغيري..هلاء صارت كبيرة .. خلص...!

أحد قصصي المؤسفة بحياتي..

من درجة ألمي بالحياة " لما كنت عايشة مع أهلي " كانت ماما بدياني اتزوج شخص مسؤول ودكتور وله منصب. بس عمره ٦٥ سنة..
وبسبب ضغوطاتي..اجا وقت اجيت عند ماما وقلت لها انا قبلانة اتزوجه..( كان بدي اخلص .. كان دافع جنوني مني.. " بنت عمتي قالتلي مجنونة".. )
اهلي كان همهم انو غني كتيرر وله منصب حكومي وممكن سياسي..

ولما اجتمع مع اهلي والعريس مبسووط بقول ببساطة : اووه " زهرة" اصغر من بنتي .. !!

المهم... الحمدلله ما كملت الخطوبة.. والحمدلله صحيت ع نفسي وألغيت كلشي..
ما قدرت .. !!

..

لكن عندي سؤالي يلي ما حدا جاوبني عليه..

المشكلة مش انو البنت اصغر.. " الشب بحبا صغيري وخلص"
وفي بناات كتيرر بحبو يتزوجو يلي اكبر منهم ب ٢٠ سنة. مش،مشكلة.
والصراحة انا بعد تجاربي بالحياة. لو يجيني شخص عمره اول الخمسينات برضا فيه ع شرط يكون واعي وناضج..
ما دخل العمر صح...

ما بحب الشباب الصغار..
بيعجبوني الشباب يلي بالثلاثينات وطالع..

لكن سؤالي :

هل في رجال بيقبلو بنات أكبر منهم بسنواات ؟
رغم ما بلائيا فكرة حكيمة " لانو الشب بيبئى بدو بنت اصغر "..
يعني زوجته مثلا، ٥٠ سنة وهو عمره ٤٠ سنة. بتتوقعو مين هالرجل الراااائع ما بيطلع الا ع مرته يلي اكبر منه ب ١٠ سنوات ؟

..المرأة فعلا مظلومة بهيك موقف !!