عندي قول مأثور خاص بيه وجودي في حياة البعض يساوي القاعدة الفقهية
إذا وجد الماء بطل التيمم
حعدل في الجملة واخليها وجود الرجال في حياة النساء يساوي
إذا وجد الماء بطل التيمم


انتي شايفه انك مش محتاجة لراجل في حياتك تمام اوك
جايز انتي أنثي من النوع اللي مشاعريا وجسديا ومادياً واجتماعياً تقدري تستغني عن الرجل لكن في غيرك بنات كتير معندهاش القدرة دي وإلا حتنحرف ... هي عندها استعداد تتحمل الرجل حتي في اسوأ حلاتة لأن الحياة عموما ماشية بمبدأ
حبة عليه وحبة عليك .. وفكرة تبادل المصالح لما تكون مشروعة فكرة جيدة
بمعني أن كل واحد فيهم بيكمل التاني .. ممكن يكون في شريك حياتي عيب لكن انا بعرف أمتة اتعامل مع العيب ده واتكيف معاه ونفس الكلام بينطبق عليه هو قد تكون زوجتة فيها عيب بيعرف أمتة يتعامل معاه ويمشي أمورة .. والاتنين مع العشرة بيعرفوا ازاي يتغاضوا واكيد بينهم حلو يشفع لليلة كلها
والحياة يا زهرة عمرها ما كانت وردية ولا بتتقاس بالقلم والمسطرة
ومش حنثبت قاعدة ونمشيها علي الكل لمجرد أن اختياراتنا كانت غلط

الخلاصة في جانب في كلامك سليم ١٠٠ ٪
لكن احنا ربنا خلقنا لإعمار الكون والتعايش ... وفي النهاية علي نياتكم ترزقون
فكرة اني خولقي ضيق ومتحملة نفسي بالعافية ومش حمل اني اتحمل رجل وحياة زوجية بكل ما فيها من حلو ومر ووووووو
خلاص دي قدراتي ولا يكلف الله نفسا إلا وسعها اخليني في بيت اهلي معززة مكرمة ولا اجي علي نفسي واتجوز واحد مالوش ذنب في مزاجيتي وأفضل أقرف فيه ويقرف فيه وفي النهاية نتطلق مش فار تجارب هو

مودتي