مو كلهم نفس الشي
في اللي يكون متفهم وما عنده جنون السيطرة

وترا دايماً في الشخص اللي يناسبك
بس إنتِ لا تستسلمين وترضين بشخص مو عاجبك
ومو مقتنعة فيه

أختي كانت مثلك ما تحب اللي يسيطر
واللي بس يبي كلامه هو اللي يمشي

وكانت كل مرة ترفض لما يجون يخطبونها
وما يعجبها ولا حد
وأصلاً حتى لما تستخير ما كان يصير نصيب
والله يبعدهم عنها وما ترتاح لهم

بس آخر شي جا الشخص المناسب
وكل صفاته حلوة وخلوق ومؤدب وسمعته طيبة وكل شي
وعمره قريب من عمرها ومتفاهمين وأمورهم طيبة


وحتى في بنات أعرفهم كان عمرهم متجاوز ال 25
ومع هذا تزوجوا وجاهم النصيب
وكل وحدة زوجها أصغر منها بسنتين أو ثلاث
ومع هذا في توافق وتفاهم ومناسبين

يعني عادي مو شرط يجيها شايب أو متزوج

كله نصيب
أهم شي لا ترضين بشخص ما يعجبك
وسلبياته كثيرة ويضايقك
كذا روحك بتتعب وبتمرض وبتعجز بسرعة

ولا تنسين الاستخارة