هذي كتبتها العام الماضي
العيد قرب وانقضا شهر رمضان
وكلا علي أصحابه يسير بعيده
باقي عليه ايام وايعم الاوطان
على العرب تسعد بفرحه سعيده
عيد أمة امحمد على مر الأزمان
يا الله تعيده فالسنين المديده
في ديننا عيدين من بد الاديان
عيد الفطر والاضحيه المجيده
نقف على باب الله نطلبه غفران
في ماسلف من الذنوب العديده
فإذا افل رمضان وشوال لنا بان
بهجة فرح لأ هل القلوب السعيده
بالصوم واقيامه وختم كامل اقران
ونبدأ مع التاريخ صحيفه جديده
نسأله مديد العمر وصحه بالابدان
وايعيد عيد الفطر علينا الحميده
حزني على فرقاك ياشهر إلا حسان
والعين تذرف صاف موق الشديده
وابعث تهاني العيد لقصور سلمان
وعلى جنود الجيش جنوب العنيده
تردع غوى الحوثي وتنعاه طهران
وانطبق الأحكام حسب العقيده
ولا نحسب احساب لاحزاب ايران
جزاه بحد السيف نقص كف أيده
ندرك مطامع اذرع إيران طغيان
واذا نو ينا الشر بالا قدام نبيده
حلم الخميني حلم ابليس فاجنان
ماجت على شفه وحسب مايريده
صفر رصيده واغلب الشعب طفران
من اجل توسع واهيه في عبيده
من العراق لشام وصنعاء ولبنان
تحالف جرذ الفرس تعد المكيده
عاد عيدكم بافراح وإيمان وأمان
على العرب والمسلمين عاد عيده
وازكي ألفرح زف التهاني ببرهان
بابيات قاف الشعر عبر القصيده
السكب 12