في أشياء ممكن كلنا نبكي أو نحزن عليها
وفي أشياء تأثير فينا بس غيرنا عادي ما يتأثر

وأتوقع هالشي له علاقة بالذكريات والعقل الباطن
وبالذات لما كنا صغار


أنا أكثر شي أي شي يخص الأطفال يأثر فيني جداً
وخاصة لما يكونون يشبهوني وشخصيتهم قريبة مني

~

الموضوع ذكرني بقصة سمعتها
كان في شخص دايماً لما يشوف المطر يبكي

الإنسان الطبيعي ما تنزل دموعه لما يشوف المطر

بس هو غير وكل مرة يبكي وما يعرف ليش
وبعدين راح عند طبيب نفسي
والطبيب حاول يفهمه ويعرف معلومات عنه
وعن ماضيه وطفولته وكل شي

بعدين عرف أن هذا الشخص لما كان صغير
أمه توفت وبنفس اليوم كان في مطر

من هالشي صار عنده رابط بين الحزن والمطر
وصار كل مرة يشوف المطر يبكي وما يدري أن هذا هو السبب



حتى في قصة ثانية
وحدة كانت تلعب وهي صغيرة
ودخلت غرفة عشان تتخبى وما قدرت تطلع لأن تقفل عليها الباب
وصار الليل والمكان ظلام وخافت وتعقدت
ومن يومها صار عندها خوف من الظلام والأماكن المغلقة

وعشان نعالج مثل هالأشياء لازم نتكلم عنها
إما مع طبيب نفسي أو شخص قريب ويفهم ويكون ثقة
ونطلع المشاعر اللي ما طلعناها قبل لما صار الموقف من زمان

لأن أي مشكلة ما نتعامل معها بنفس الوقت بطريقة صحيحة
تأثر علينا لما نكبر وما يروح التأثير بسهولة

وبس