اه والله حصل وكذا مرة إنقاذ للموقف
الوالدة الله يديها الصحة ورطتني
ممممم لازم نقول الكذبة يعني
طيب يا ستي صلي علي النبي
انا ساكنة في محافظة واهلي في محافظة وبنزل لهم كل كام شهر
كنت عندها في مرة وهي كانت خرجت مشوار وجرس الباب رن وجت الجارة معاها ظرف كبير
واديتهولي وقعدت تتشكرني كتييير جداااااا
وانا الله وكيلك ما فاهمه حاجة
شكرا يا بنتي كتر خيرك
ربنا ما يوقعك في ضيقة
وووووووو و كلام كتيييييير ودعوات
وانا اللي طالع عليه
العفو يا طنط
حاجة بسيطة يا طنط
وانا مش فاهمه العفو علي ايه ولا ايه هي الحاجة البسيطة
ونفسي ماما ترجع علشان افهم منها في ايه بالضبط
المهم ماما جت ودخلت سلمت واخدتني علي الاوضة وفهمتني الحكاية ك عناوين
كل ده والجارة بره
الموضوع
ماما سلفتها علي حسي مبلغ كبير
وطبعا الجارة لما شافتني جت علشان ترجع المبلغ
والمطلوب مني اني أمثل أن انا فعلا صاحبة الفلوس
واجاري طنط في الكلام وانا معرفش اي تفاصيل نهائي
والمشكلة أن مفيش وقت ماما تحكيلي الموضوع بالتفصيل والجاره قاعده لوحدها بره
المهم خرجت قعدت معاها
وكلمة من الشرق علي كلمة من الغرب علي شوية ابتسامات ومشي حال القاعدة
المهم طنط دي مشيت وانا قولت لماما اول واخر مرة تورطيني في حاجة
ولا تعملي جميل في حد بأسمي
وعدت الحمد لله من غير ما ننكشف
.