مرحباً إيڤ


الإنسانية عندي مرتبطة بسلامة القلب
لو انت انسان قلبك نضيف مهما قابلتك مواقف تدفعك للتنازل عنها حتفضل ثابت علي انسانيتك
حتبقي جواك رحمة علي الحيوان قبل الإنسان
حتحس بطمائنينة داخلية ورضا غير عادي عن نفسك وفخر بذاتك انك ماشي في سكه صح

طب هل انا بتمتع بانسانية ؟
صدقيني انا مش حقدر احكم علي نفسي لاني مع الأسف معنديش وسط
معلش برج العقرب صعب شوية نسأل الله السلامة .. بس انا شخصية صعبة ووارد جدااا أن قلبي ييجي عليه شوية غبار من وقت للتاني

بخصوص هل الإنسانية مرتبطة بالاديان والا لأ ؟
ف مؤكد لأ
كلنا لآدم مهما اختلفت الديانات يعني ابونا وأمنا واحد في النهاية
يعني من الاخر اصلنا طيب .. والناس منعدمة الإنسانية ف انا بعتبرهم شواذ القاعدة
لأن فطرتنا من الأساس خيرة


مودتي