كان في برنامج وكانت الضيفة دكتورة خاصة بسلوكيات الاطفال والتربية
كان سؤال المذيعة واضح جدااا
ما تاثير البيت و الأم تحديدا علي طفلها مقارنتة بتأثير المجتمع الخارجي عليه ؟؟
كان رد الدكتورة منطقي جدااااا
تاثير الأم والبيت علي الطفل لحد سن ٦ سنوات بنسبة فوق ال ٩٠ ٪
والمجتمع الخارجي المتمثل في الأهل ١٠ ٪ فقط

بعد سن ال ٦ سنوات الطفل بيبدأ أول مرحلة متغيرة في حياتة وهي دخوله المدرسة ودي أول خطوة في احتكاكة بالعالم الخارجي وهنا المعادلة انقلبت لأن الطفل خرج من الشرنقة وبدأ العد التنازلي
عندك مدرسة
اصدقاء
شارع وجيران
نادي
وغيره
وغيره

بالتدريج بتبقي المعادلة تأثير المجتمع الخارجي ٩٠ ٪ والبيت ١٠ ٪

متخيل الطوفان اللي البيت بيواجهه قصاد تقويم سلوك طفل بيواجه كل ده بره البيت

وعن تجربة مهما كنت مربي اولادك كويس جدااااا وماشي معاهم
ده حلال وده حرام
ده عيب وميصحش
بلاش تعمل كده والصح تعمل كده

لازم في الاخر حيتأثر بكل البشر اللي بيتعامل معاهم بره
بغض النظر عن المكان إذا كان راقي أو بيئة ف انت في النهاية بتتعامل مع كوكتيل من النفسيات

وعلي راي المثل

قال يا متربي قال من عند ربي

احنا بنعمل اللي علينا بقدر جهدنا وبنستودعهم الله وهو الحافظ



.



.