في مصطلح جديد أطلق عليهم
أصحاب الهمم
أي أصحاب العزيمة والإصرار
في الحقيقة مش عارفة مين اللي أطلق المصطلح ده يمكن احنا عندنا في مصر
بس بغض النظر انا شايفه أن المصطلح الجديد في حفظ كرامة أكثر لأن مضمونة في رفعة
عكس ذوي الاحتياجات الخاصة تحسوه بيعبر عن النقص

المهم يعني ...

الناس أصحاب الهمم هما أفراد في المجتمع وجزء لا يتجزأ منه
علي الرغم من أني اختلف معك زهرة بعض الشيء
الصورة مش وردية زي ما انتي شايفاها
انتي شايفه الظاهر ... الإبتسامة اللي بتتفسر لك علي انها رضا وسعادة مش دايما حقيقية ..
لأن الخافي أعظم
اه ممكن يكونوا مش معترضين علي أمر الله لكن تبقي داخلهم غصة في قلوبهم لايشعر بها إلا هما
... واللي بيزيد الأمر سوء المجتمعات التي لا ترحم وممكن توصل حد منهم للانتحار
من كتر التنمر عليهم سواء بالقول أو بالفعل .. ومش كل الناس عندها الوعي اللي من خلاله تحتوي مثل هذة الفئات
في مثل عندنا بيقول

كل ذي عاهة جبار

هو المقصود بالمثل أنه جبار يعني شرس أو عصبي أو غضوب أو أنتقامي أو أو أو
لكن انا بشوف معني جبار أنه جبار في الإنجاز و الإصرار وخلق الحافز وووووو
الناس دي عندها تحدي داخلي وإصرار علي إثبات وجودهم واللي بيصمد فيهم حقيقي بيوصل وبيحقق أحلامه

الناس دي علي قد ما هي قويه علي ما قد هي هشة جداا ودايما خايفه من ردود أفعال اللي حواليها

ميرسي زهرة




.