مشكور شكرا بارك الله فيك
عشره قديمه هانت اليوم عليك
لك تحيا
مشكور شكرا ع الجفا والسيا
مفروض نوبل جائزه وهديه
بحكم الخيانه ف الغلا يعطيك
وتاخد جوائز وكاس عالمية
وترفع اعلام المكر وين نجيك
وتسيطر ع العالم وع البشرية
وتبقى حكايه الناس تحكي بيك
وتشيل تاج الكذب فالحنيه
وادير دوله حكمها يرضيك
وتكون كيف هتلر نفس النيه
نفس الطبايع فيه يبقن فيك
هلي حرق ليهود لنازيه
وانت حرقت القلب بين يديك