سلام دام الموده حبلها راهي
من قبل ما ينكرب حبّيت تقديمه
سلام أحلى من السكر على الشاهي
بعد العشاء والورق "خادر" وتلقيمه
لعيونك السود وألا طولك الباهي
عساه يثمر ونكسب منك تسليمه..!
بس أرجع وأقول : ما أبيه ما أبيه
ثم اما بعد
طلبتكم ..
ضعوا أيديكم مع بعض ولنرقص ونغني..
ما أبيه ما أبي
ثم ايضا
وفي حديث منفصل غير متصل ب اعلاه..
مررت بمدونة " رايق" و" الخواف"..
مازالو كما عهدتهم اوفياء لقلوبهم/ اقلامهم ومااقترب منها من احساس وشعور..
رايق " صديق الكل" يداعب الكل بكل ادب وذوق و" فن"...
مازال قلمه رشيقا كظبي البراري لاتمل رؤيته ولاتستطيع اللحاق به هههه
كما انه لازالت " عفوية" الخواف كما هي ...
لازال قرندايزر والصحن الدوار ورعد الفضاء وذكرياته عصيه علي النسيان..
الود ودي اشاركه جلسه علي درج بقاله وفي يدينا علبة حمضيات نتبادل اطراف الكلام يسولف لي عن ال ٢٤٠ النسيان واسولف له عن الكابريس ال ٩٠ الربع تنده وبعدها نمسك خط الجنوب مشغلين عبدالكريم عبدالقادر " اه علي وقت علي مضي واه علي عمري اللي راح او نوال الكويتيه في رائعتها " الا بزعل" هذي اكيد بتخنق العبره في عينه وعيني ومش بعيد " ندنها هاشميه"...
هذا والله يرعاكم ويسدد علي طريق الخير خطاكم.
التوقيع
ن/ م
الخبر/ المنطقه الشرقيه